Erabilera baldintzak eta pribatutasuna

Eskerrik asko Latxa probatzeagatik! Mesedez, Latxa erabili aurretik, irakurri beheko erabilera baldintzak eta pribatutasun politika. Latxa erabiltzean, erabilera baldintzak eta pribatutasun politika onartzen dituzu.

Erabilera-baldintzak

Aplikazio hau Latxaren probatarako demo tekniko bat da. Hori dela eta, honako baldintza hauek kontuan hartzea gomendatzen da erabiltzeko orduan:

1. Epe luzeko proiektua: Azken helburua euskara beste hizkuntzen pare jartzea da. Tarteko bertsio honek ez dauzka eredu komertzialen gaitasun guztiak, baina kalitate oneko euskara sortzen du. Gure ikerketa eta zuen erabileraren bidez gaitasun gehiago eta kalitate hobeagoa edukiko du.
2. Probatan dago: Proba modura jarri dugu erabilgarri, izena ematen duzuen erabiltzaile kopuru mugatu batentzat. Eusko Jaurlaritzak zerbitzu sendoa emango du laster.
3. Ezagutza mugatua: Latxa instantzia honek ez du Internetera konektatzeko gaitasunik, eta bere ezagutza 2024ko urtarrilera arte mugatzen da. Horrek esan nahi du Latxak ez duela azken informazioa eskuratzeko gaitasunik, eta, beraz, ez dituela azken albisteak, eguneratzeak edo aldaketak ezagutzen. Nahi izanez gero, ereduak ezagutzen ez duen testu bat mezuan bertan txertatu, eta horren inguruan galderak edo eskaerak egin ditzazkezu.
4. Erantzunen fidagarritasuna: Latxaren erantzunak ez dira beti zehatzak edo egiazkoak izango. Beraz, informazio kritikoa edo zehatza behar denean, beste iturri batzuetara jotzea gomendatzen da.

Erregistro-baldintzak

• Adin minimoa: Gutxienez 13 urte izan behar dituzu, edo zure herrialdean zerbitzuak erabiltzeko baimena emateko eskatzen den gutxieneko adina. 18 urtetik beherakoa bazara, guraso edo legezko tutorearen baimena izan behar duzu zerbitzuak erabiltzeko.
• Erregistroa: Gure zerbitzuak erabiltzeko kontu bat sortu behar duzu. Ezin dituzu zure kontuaren datuak partekatu edo zure kontua beste inori eskuragarri jarri. Zure kontuaren pean gertatzen diren jarduera guztien erantzule zara. Beste pertsona edo erakunde baten izenean kontu bat sortzen baduzu edo zerbitzuak erabiltzen badituzu, pertsona edo erakunde horren izenean baldintza hauek onartzeko baimena izan behar duzu.

Ohar legala

Zerbitzu honek Adimen Artifiziala erabiltzen du. Demo tekniko honetara bidalitako mezuak Latxaren erantzunak sortzeko erabiliko dira. Horretaz gain, mezuen testua bera, inongo erabiltzailearen informaziorik gabe, Latxa hobetzeko erabili ahal izango da, baina ez da partekatuko.

HiTZ Zentroak ez du eskubiderik aldarrikatzen Latxa erabiliz sortzen dituzun emaitzetan. Zu eta zure erabiltzaileak zarete irteeren eta horien ondorengo erabileren erantzule bakarrak.

Pribatutasun politika

Erregistroan jasotzen diren datuak soilik erabiltzen dira Latxa erabiltzaileak identifikatzeko eta aplikazioaren funtzionamendua bermatzeko. Ez da bestelako datu pertsonalik bilduko edo gordeko Latxa erabiltzean. Aurretik esan bezala, debekatuta dago erabiltzaileen datu pertsonalak mezuetan aipatzea. Jasotako datuak ez dira hirugarrenekin partekatuko, salbu eta legeak hala eskatzen badu.